القائمة الرئيسية

الصفحات

فى هذة التدوينة نستعرض كل ما له علاقة بالاكسيل Excel , البرامج المحاسسبية المصممة على الأكسيل و شيتات الاكسيل المحاسبية و كمان بعض كتب شرح الاكسيل و كمان أهم القنوات على اليوتيوب التي تقدم شرح يفيد المحاسبين عن كيفية استخدام الاكسيل فى تسهيل عمليات المحاسبة و المراجعة .
 أزاي تبقى كويس فى الاكسيل ؟
 مش عارف ^_^ أٌقصد حمل الكتب و الشيتات الموجودة هنا فى التدوينة و ابدأ شوف شيت شيت و شوف المعادلات و الافكار اللى مستخدمة فى الشيتات المحاسبية و مش هتحتاج أكثر من كده بعد ما تقرأ الكتيب اللى اعتقد أنه أفضل كتيب مختصر لشرح الاكسيل ( الكامل ) . و أبدأ تطبق و أبحث على اليوتيوب و مع الوقت و كثر التعامل هتلاقى نفسك برنس , أه و الله
 أحمل نسخة من الاكسيل منين ؟
 ممكن تحمل أصدارات الاوفيس من موقع معتز نت , موقع عربى محترم و سهل و هتلاقى فيه كل الأصدارات تقريباً و نسخ عربي اللى انصحك ملكش علاقة بيها و حاول تستخدم الانجليزي أفضل , و طيب احمل اصدار كام حمل اى حاجة تعجب بعد 2010 أو حتي 2010 , لكن لو بتسأل أحسن نسخة من وجهة نظري هي أوفيس 365 طبعاً ...

 فين الكتب اللى قولت عليها و الشيتات ؟
 هترك ليك فى أخر التدوينة ده مستطيل تدوس عليه هيحولك على جوجل درايف هتلاقى فولدر كامل لكل حاجة ليه علاقة بالاكسيل حمل اللى أنت عايزه او تقدر تحملهم كلهم بدون أعلانات ^_^ 

1- كتب شرح برنامج الأكسيل للمحاسبين

 الملف متاح فيه مجموعة من الكتب الممتازة أن شاء الله هتفيدك .

2- شيتات الأكسيل و البرامج المحاسبية 

هتلاقي مجموعة الشيتات ده فى ملف مضغوط مساحته تقريباً 75 ميجا بأسم #برامج الحسابات الكاملة و هيحتوي على التالي :-
* شيتات اليومية الامريكية , هو الشيت اللى بيستخدم فى تسجيل القيود المحاسبية و أستكمال الدورة المحاسبية لحد ما توصل للقوائم المالية و ده شيت اكسيل لازم يبقى موجود بشكل أساسي و يبقى معاها شيتات تانية علي حسب النشاط من حيث الحجم و النوعية , هتعرفهم بعد كده أن شاء الله .
هتلاقى فى فولدر ده حوالي 15 شيت فيهم اتنين يخصه الطريقة الايطالية و الفرنسية لامساك الحسابات , و لكن افضل واحد من وجهة نظري هتلاقي بأسم الحسابات العامة يوميات محاسب أعداد الأستاذ حسن حامد حنفي (هنشرحه فى تدوينة قادمة أن شاء الله ).

* البنوك هو عبارة عن شيتات لحساب فوائد القروض و شيت لإدارة أرصدة الحسابات الخاصة بالشركة فى البنوك و أكتر من شيت لكيفية عمل مذكرة تسوية البنك .
*التحليل المالي شيت لعمل تحليل مالي للقوائم المالية (قائمة المركز المالي و قائمة الدخل و كمان قائمة التدفقات النقدية ) . 
*شيتات الضرائب , حساب الضريبة على الدخل و حساب مقابل الـتأخير و شوية شيتات تانية أن شاء الله تستفيد منها . 
* العملاء أهم شيتين جدول أعمار الذمم و جدول الديون المشكوك فيها .
* المخازن شيتات إدارة المخازن و كارت الصنف للبضاعة .
* ملفات المراجعة الالكتروني و نظام التدقيق .
* المرتبات هتلاقى في مجموعة الشيتات ده , شيتات حضور و إنصراف و سركي للعمال و كشف المرتبات و بما فيها ازاي تعمل مفردات المرتب , و أزاي تحسب الضريبة على المرتبات (كسب العمل).
* النظام المحاسبي هي مجموعة شيتات لدليل الحسابات (شجرة الحسابات) , و القيود المحاسبية و الدورة المستندية و مكونات القوائم المالية علشان لو عايز تعمل دورة مستندية و محاسبية فى اي شركة .
* الخزينة برنامج إدارة الخزينة و محاضر جرد للخزينة .

*شيتات شركات المقاولات || شيتات التكاليف || حساب الأهلاك || إعداد دراسة الجدوي .
*برامج حسابات العالمي محمود حمودة 
(أكثر من مئة شيت بين يديك فى رابط واحد فقط علي جوجل درايف و فى النهاية اتقدم بكل الشكر و التقدير و العرفان لكل المحاسبين اللى صممه كل هذة الشيتات و قام بمشاركة على الانترنت حتي نسفيد منها و بخصوص الرائع أ.محمود حمودة و ا. محمد الريفي  )

تعليقات