أستكمالاً لموضوعات الدورة المحاسبية للمبتدئين في دراسة المحاسبة هنتكلم فى هذة التدوينة عن الخطوة الثالثة وهي الترحيل إلى دفتر الأستاذ والترصيد فى نهاية الفترة و ذلك بعد تسجيل كافة المعاملات والعمليات المالية فى دفتر اليومية , علي أن تكون التدوينة القادمة بخصوص كيفية إعداد ميزان المراجعة.
دفتر الأستاذ
دفتر الأستاذ هو دفتر ثانوي ترحل إليه المعاملات المالية التي تم إثباتها فى دفتر اليومية , ويمثل تلخيصاً لهذه المعاملات بشكل يسهل على المحاسب مهمة متابعة موقف رصيد الحساب فى أي وقت , و يعد الشكل التقليدي لهذا الحساب هو المعد على شكل حرف T .
الترحيل إلى دفتر الأستاذ ledger
تقوم فكرة دفتر الأستاذ على تجميع كل العمليات الخاصة بحساب معين (الطرف المدين و الدائن ) فى صفحة واحدة أو أكثر و تسمي طريقة نقل العمليات من دفتر اليومية إلى دفتر الأستاذ عملية الترحيل .
و بعد الأنتهاء من عملية ترحيل جميع العمليات يتم مقارنة الجانب المدين مع الدائن لمعرفة وضع الحساب (آي رصيده ) و تسمى هذه الطريقة عملية الترصيد .
شكل دفتر الاستاذ
و يوضح الشكل التالى دفتر الأستاذ لأحد الحسابات :-الترصيد فى دفتر الأستاذ Posting
بعد الانتهاء من ترحيل جميع قيود اليومية الى الحساب المختصة في دفتر الأستاذ يتم ترصيد الحسابات لمعرفة أثر العمليات المالية عليها و يتم أتباع الخطوات التالية عند عملية الترصيد :-
- يتم جمع الجانب الأكبر من الحساب .
- ينقل المجموع الى الجانب الآخر من الحساب .
- يكون رصيد الحساب هو المتمم الحسابي الذي تم إضافته الى الجانب الأخر (الأصغر ) ليتساوي مع الجانب الأكبر .
مثال علي الترحيل بـدفتر الاستاذ
-- و لزيادة التوضيح نقوم بترحيل القيود المسجلة فى دفتر اليومية فى مثال التدوينة السابقة .
تعقيب بسيط لو مفهمتش الكلام اللى فوق أنما لو فهمت سيبك من السطرين اللى جايين دوول , ماشي ^_^
ركز معايا بقى ... بعد ما سجلت كل العمليات فى دفتر اليومية مفروض هيكون عندك دفتر أستاذ لكل حساب عندك , بعد كده هشتغل على كل حساب لوحده يعني همسك حساب البنك و أشوف كل القيود اللى فيها حساب البنك سواء كان مدين فى القيد أو دائن ... تمام لحد هنا نبدأ نعمل :-
// لو حساب البنك مدين فى القيد هجيب المبلغ و أكتبه على اليمين فى دفتر الأستاذ و أكتب قصده الطرف الدائن فى القيد زي ما انت شايف فى اول سطر كده فى الدفتر القيد كان 350 ألف جنيه من حـ/ البنك الى حـ/ رأس المال ... شوفت الموضوع بسيط و هكذا .!
// لو حساب البنك دائن فى القيد هجيب المبلغ و أكتبه فى الشمال فى دفتر الأستاذ و أكتب قصده الطرف المدين فى القيد ...تمام و الباقى أنت عارفه صح ^_^
// طيب الترصيد هيبقى بنعمله بأننا نجمع الجانبين المدين و الدائن و نحط الرقم الأكبر فى المجموع فى الجانبين , و الفرق بين الرقمين بنحطه فى الجانب الأصغر و بنكتب قصده رصيد مرحل و بكده يبقى الجانبين متساوين و بعد كده الرصيد المنقول يبقي نفس الرصيد المرحل بس فى العكس ... راجع كده حساب البنك ... كده تمام بالتوفيق نكمل تاني ^_^
هكملك باقى الحسابات أو جزء منها و حاول أنت تحل اللى مش موجود و سيبه بالتعليقات اللى على التدوينة ...

* حسابات( الأثاث - السيارات - المعدات - م. الكهرباء - مستوصف النور - الأجور)
تعقيب بسيط على حساب شركة الأبيض مش موجود رصيد مرحل او منقول ليه ,علشان احنا اشترينا منها سيارة فى 25 يناير بالآجل و دفعنا المبلغ بالكامل فى 28 فبراير فبالتالى لا يوجد رصيد مدين او دائن ..صح وبس
شوفت الموضوع بسيط ازاى نكمل ان شاء الله ميزان المراجعة فى تدوينة تانية علشان وقتك ^_^