القائمة الرئيسية

الصفحات

أستكمالاً لموضوعات الدورة المحاسبية للمبتدئين فى دراسة المحاسبة هنتكلم فى هذة التدوينة عن الخطوة الثالثة و هي الترحيل إلي دفتر الأستاذ و الترصيد فى نهاية الفترة و ذلك بعد تسجيل كافة المعاملات و العمليات المالية فى دفتر اليومية , علي أن تكون التدوينة القادمة بخصوص كيفية أعداد ميزان المراجعة ...

  --   الترحيل إلي دفتر الأستاذ Leder 

تقوم فكرة دفتر الأستاذ على تجميع كل العمليات الخاصة بحساب معين (الطرف المدين و الدائن ) فى صفحة واحدة أو أكثر و تسمي طريقة نقل العمليات من دفتر اليومية إلي دفتر الأستاذ عملية الترحيل .
و بعد الأنتهاء من عملية ترحيل جميع العمليات يتم مقارنة الجانب المدين مع الدائن لمعرفة وضع الحساب (آي رصيده ) و تسمي هذة الطريقة عملية الترصيد , و يوضح الشكل التالى دفتر الأستاذ لأحد الحسابات :- 
تتم عملية فى الترحيل فى خطوات محددة لتقليل نسبة الأخطاء :-
1-        تحدد قيد اليومية الذي يراد ترحليه الى دفتر الأستاذ .
2-        يرحل الجانب المدين من القيد الى الجانب المدين لنفس الحساب فى دفتر الأستاذ , فمثلا إذا كان قيد اليومية

5000 من حـــ / الأثاث 

        5000 الى حـ / الخزينة 
3-        فيتم ترحيل مبلغ 5000 جنيه فى الجانب المدين من حساب الأثاث فى دفتر الأستاذ فى خانة المبلغ و يكتب قصده الحساب الدائن .
4-        يسجل فى خانة البيان الطرف الآخر من قيد اليومية و هو الطرف الدائن (إلى حــ / الخزينة )
5-        يتم أثبات رقم قيد اليومية فى الخانة المخصصة و كذلك التاريخ كما هو بدفتر اليومية .
6-        و أخيراً يتم ترحيل الطرف الدائن من القيد بنفس التي تم بها ترحيل الطرف المدين .
و هكذا حتي يتم الأنتهاء من ترحيل كافة القيود الى دفتر الأستاذ و هنا تأتي مرحلة الترصيد ....

  --   الترصيد Posting 

بعد الأنتهاء من ترحيل جميع قيود اليومية الى الحساب المختصة فى دفتر الأستاذ يتم ترصيد الحسابت لمعرفة أثر العمليات المالية عليها و يتم أتباع الخطوات التالية عند عملية الترصيد :-
1- يتم جمع الحاتب الأكبر من الحساب .
2- ينقل المجموع الى الجانب الآخر من الحساب .
3- يكون رصيد الحساب هو المتمم الحسابي الذي تم أضافته الى الجانب الأخر (الأصغر ) ليتساوي مع الجانب الأكبر .

 --   و لزيادة التوضيح نقوم بترحيل القيود المسجلة فى دفتر اليومية فى مثال التدوينة السابقة .


طبعاً من خلال الرابط السابق تراجع المثال بالكامل و عملية التسجيل فى دفتر اليومية من التدوينة السابقة , و سوف نبدأ الآن عمل حسابات دفتر الأستاذ للحسابات الموجودة بالمثال و هنبدأ ....... 

 *  حساب البنك  (الأكثر حركة فى المثال ^_^)
تعقيب بسيط لو مفهمتش الكلام اللى فوق أنما لو فهمت سيبك من السطرين اللى جايين دوول , ماشي ^_^
ركز معاي بقى ... بعد ما سجلت كل العمليات فى دفتر اليومية مفروض هيكون عندك دفتر أستاذ لكل حساب عندك , بعد كده هشتغل على كل حساب لوحده يعني همسك حساب البنك و أشوف كل القيود اللى فيها حساب البنك سواء كان مدين فى القيد أو دائن ... تمام لحد هنا نبدأ نعمل :-
// لو حساب البنك مدين فى القيد هجيب المبلغ و أكتبه على اليمين فى دفتر الأستاذ و أكتب قصده الطرف الدائن فى القيد زي ما انت شايف فى اول سطر كده فى الدفتر القيد كان 350 ألف جنيه من حـ/ البنك الى حـ/ رأس المال ... شوفت الموضوع بسيط و هكذا .!
// لو حساب البنك دائن فى القيد هجيب المبلغ و أكتبه فى الشمال فى دفتر الأستاذ و أكتب قصده الطرف المدين فى القيد ...تمام و الباقى أنت عارفه صح ^_^
// طيب الترصيد هيبقى بنعمله بأننا نجمع الجانبين المدين و الدائن و نحط الرقم الأكبر فى المجموع فى الجانبين , و الفرق بين الرقمين بنحطه فى الجانب الأصغر و بنكتب قصده رصيد مرحل و بكده يبقه الجانبين متساوين و بعد كده الرصيد المنقول يبقي نفس الرصيد المرحل بس فى العكس ... راجع كده حساب البنك ... كده تمام بالتوفيق نكمل تاني ^_^
هكملك باقى الحسابات أو جزء منها و حاول أنت تحل اللى مش موجود و سيبه بالتعليقات اللى على التدوينة ...

 *  حساب رأس المال || حساب الأيجار  

  *  حسابات( الأثاث - السيارات - المعدات - م. الكهرباء - مستوصف النور - الأجور)  

حاول تدرب نفسك تحلهم أنت و لو فى حاجة عايز تتأكد منها او مش عارفها سيب تعليق تحت فى التدوينة و أن شاء الله هتلاقى أعضاء المدونة معاك ^_^


 *  حساب الخزينة || حساب الإيرادات || حساب شركة الأبيض للسيارات 

تعقيب بسيط على حساب شركة الأبيض مش موجود رصيد مرحل او منقول ليه ,علشان أحنا أشترينا منها سيارة فى 25 يناير بالآجل و دفعنا المبلغ بالكامل فى 28 فبراير فبالتالى لا يوجد رصيد مدين او دائن ..صح وبس
 شوفت الموضوع بسيط أزاى نكمل أن شاء الله ميزان المراجعة فى تدوينة تانية علشان وقتك ^_^ 

تعليقات

تعليق واحد
إرسال تعليق
  1. ممكن رفع شيت اكسيل بالملف المستخدم بدفتر الاستاذ

    ردحذف

إرسال تعليق