القائمة الرئيسية

الصفحات

نستكمل فى هذة التدوينة سلسلة معلومة على الماشي فى الأكسيل و نشوف طريقة عمل شيت مبيعات مبسط للمبتدئين , الفكرة تتخلص فى حالة وجود اكثر من قائمة اسعار للمنتجات ازاي نقدر نحدد قيمة الفاتورة بناءاً على القطاع او المندوب ,

البيانات التي تم الاعتماد عليها فى الشيت :-

- قائمة بالمناديب (جدول تكويد المناديب ) : تخصيص كود لكل مندوب و توضيح القطاع الخاص به و فى بعض الشيتات يتم تحديد حد أئتماني للمندوب .
- قائمة الاصناف (جدول تكويد الاصناف) : تخصيص أكواد لكل صنف و لكن في حالتنا لن نستخدم هذة القائمة , أن شاء الله فى تدوينة المخازن سوف يتم استعراضها بالكامل , و نكتفي فى هذة التدوينة بقائمة الاسعار فقط .
- قائمة الاسعار لكافة قطاعات الشركة : في الحالة اللى معانا 4 قوائم أسعار للمنجات تختلف أسعارها وفقاً لنوعية العميل (التجزئة , سوبر ماركت , محلات الجملة , التعاقدات مع الجهات) , كما هو ظاهر فى الصورة .

الهدف من شيت المبيعات و المعادلات المستخدمة

عرض فكرة لتحديد قيمة الفاتورة فى كل صف فى الاكسيل على أساس الاسعار الخاصة بكل قطاع ,
أما بخصوص المعادلات المستخدمة فى هذة الشيت (IFERROR+VLOOKUP + SUMPRODUCT+IF) و نبدأ نعرض الشيت و نستعرض المدخلات .... يالا نبدأ
تم تصميم شيت المبيعات بصورة بدائية لتوضيح فكرة التدوينة فقط , من خلال الأعمدة التالية :-


1- العمود الأول (H) التاريخ : يتم كتابة فيه تاريخ كل فاتورة .
2- العمود الثاني (I) رقم الفاتورة : يتم كتابة رقم الفاتورة .
3- العمود الثالث (J) كود المندوب : يتم كتابة كود المندوب صاحب الفاتورة وفقاً لجدول تكويد المناديب الذي سبق تسجيله.
4- العمود الربع (K) المندوب : يتم استعراض أسم المندوب فى الخلية هنا دون ادخال وفقا على البيانات المستجلة فى العمود الثالث (J) كود المندوب من خلال جدول تكويد المناديب باستخدام دالة VLOOKUP على النحو التالي :
=IFERROR(VLOOKUP(J5,$A$13:$C$17,2,0),"")
- يتم استخدام دالة IFERROR لتصحيح ظهور الخطأ #N/A فى حالة عدم وجود بيانات فى عمود كود المندوب .
- يتم استخدام دالة VLOOKUP فى الحصول على القيمة المقابلة لنتيجة البحث , حيث يتم البحث على القيمة الموجود فى الخلية J5 فى الجدول الخاص بتكويد المناديب الممثل فى المعادلة بـ $A$13:$C$17 "تم تثبيت بيانا الجدول من خلال F4 علشان لم نسحب المعادلة على باقى الشيت لا يحدث تغيير فى بيانات الجدول" و يتم الحصول على النتيجة الموجود فى العمود رقم 2 كما هو موضح بالمعادلة .
5- العمود الخامس (L) القطاع : يتم استعراض أسم القطاع فى الخلية هنا دون ادخال وفقا على البيانات المستجلة فى العمود الثالث (J) كود المندوب من خلال جدول تكويد المناديب باستخدام دالة VLOOKUP"الشرح كما هو الحال فى العمود الربع الخاص بالمندوب" .
6- العمود السادس _ العاشر (Q_M) الأصناف : يتم كتابة فيه قيم الاصناف فى كل فاتورة .
7- العمود االحادي عشر (R) قيمة الفاتورة"قيمة المبيعات" : يتم فيه حساب قيمة المبيعات او قيمة كل فاتورة من خلال استخدام دالة SUMPRODUCT علشان نضرب عدد الأصناف الموجودة فى الصف الخاص بكل فاتورة (M_Q) مع الاسعار الاصناف الموجودة في قائمة الاسعار .
و لكن هنا لدينا أكثر من صف يوجد فه أسعار مختلفة للاصناف وفقاً للقطاع و عليه يتم أستخدام دالة IF لتجديد أي صف يتم استخدامه فى المعادلة من خلال عمود القطاع )L( .
{=SUMPRODUCT(IF(L5=$A$4:$A$7;$B$4:$F$7;0)*M5:Q5)}

ملاحظات على تطوير شيت المبيعات 

فى البداية هنستبعد فى كلامنا انه الشيت مفروض يكون مربوط بالمخازن (المخزن الرئيسي _ مخازن المناديب"السيارات") و يكون فى شيت خاص بالموردين و شيت الخزينة يكون يكون بالمبيعات علشان نقدر نوصل لحساب رصيد العملاء ...
1- عمل المدخلات او القوائم فى شيت مستقل يحتوي على ( بيانات تكويد العملاء _ تكويد عمليات المبيعات و المخازن و الخزينة و المصروفات و غيرها من العمليات المالية ) .
2- اضافة خانة للعميل و كذلك تكويد العملاء حسب القطاع و المندوب المسئول و حد الائتمان بكل عميل .
3- اعمل خانة للتسديد النقدي فى شيت المبيعات للوصول الى رصيد العملاء .
4- أضافة حركات مالية أخري بخلاف المبيعات زي مرتجعات المبيعات و الهدايا و العينات و السداد النقدي .
5- أضافة خانة للخصومات و تقسيمها على حسب نوعها .
6- ربط الشيت الخاص بالمبيعات بشيتات المخازن و الخزينة و أي شيتات أخري ...

أضغط هنا لتحميل الشيت المطبق عليه المعادلات

تعليقات