أكسل حسابات اليومية الأمريكية

تعد دبلوم IFRS هى الشهادة الأولى المطلوبة في مجال المحاسبة عموماً سواء تعمل فى الادارة المالية او ادارة المراجعة الداخلية او فى مكاتب المراجعة ، و تمثل بداية جيدة للشهادات المهنية CMA , CPA,CFA ,CIA علي حسب مجال عملك .. 

IFRS DIPLOMA

ماهو منهج الدراسة IFRS ؟

 الكتاب المعتمد  من معهد ACCA هو  الـ BPP .
- كتاب الـStudy و يقسم الي فصول حسب الموضوع  و كل فصل يحتوي علي عدد من المعايير ويليه بعض الأسئلة العملية بإجابتهم النموذجية .
- كتاب الـPractice  (REVISION KIT) ويحتوي على حالات عملية على كل موضوع بإجابتهم النموذجية وأخر 3 إمتحانات بإجابتهم النموذجية .

- ملخصات الزملاء المنتشرة علي الجروبات , و لكن أنصحك أعمل تليخص لنفسك هيساعدك فى المراجعة . 

ماهي طرق الدراسة و مدة الدراسة الكافية؟

 طرق الدراسة ما بين ذاتية أو عن طريق دورات تدربيية , و المدة تتراوح بين 3 شهور إلى 9 شهور (تخلتف على حسب خبرات وقدرات كل فرد و الوقت المخصص فى كل يوم ) .
فى التدوينة ده هنتكلم علي الطريقة الذاتية فى الدراسة , يعني تقوم بتنزيل الماتريال الخاصة بالدبلوم و تشوف الفيديوهات المتوفرة للدبلوم علي اليوتيوب (أقصد المجانية فقط) , و ازاي تتابع مع الزملاء ع الجروبات سواء فيسبوك أو تليجرام .و لو بعد ده حاسس انك محتاج محاضر أختار بنفسك ما بين الاساتذة الأفاضل ....

قنوات اليوتيوب لدراسة IFRS DIPLOMA

أ/ عبدالله عبدالنعيم 

شرحه ماشاء الله جميل جدا وذو خبره عمليه فهتستفيد منه كجانب عملي ونظري، أستاذ عبدالله شرح كل حاجه في الكتاب، مسابش ركن الا لما شرحه.
 رابط قناة: أ/ عبد الله عبد النعيم 

أ/ محمد غازي

شرح أستاذ محمد غازي كمان في غاية الروعة والجمال، شرحه كويس وبسيط انا بصراحه تابعت معاه كل اللي شرحه لأن مكانش لسه أستاذ عبدالله بدأ شرح الدبلوم ، أستاذ محمد شرح تقريبا من 60 إلي 80% من الدبلوم.
رابط قناة : أ/محمد غازي Easy accounting 

أ/ محمد فوزي

أستاذ محمد فوزي شرحه كمان جميل أوي، أنا تابعت معاه بعض المعايير لأنه مش شارح كل المعايير علي قناته، شارح بعض الأجزاء.
رابط قناة : أ/ محمد فوزي IFRS JUICE

د/ موفق علي 
رابط قناة : د/ موفق علي 
أ/ أحمد سمير 
رابط قناة :  أ/أحمد سمير 

المذاكرة الـ SELF STUDY؟

عزيزي كل شخص له أسلوب خاص به في المذاكرة والدراسة، كل واحد له مدرسة خاصة به علي حسب قدراته و الوقت المتاح له , و لكن نبدأ .
1- تحديد المحاضر سواء علي اليوتيوب من القنوات المتاح او قنوات أخري لم نعرضها فى هذا التدوينة أو حتي قررت تحضر كورس اوفلاين .
2- تجهيز الماتريال والكتب اللي هتذاكر وتحل منها , سواء هتشتري الكتب من المعهد او  طباعة الكتب من النسخة المتوفرة أونلاين (نسخة pdf من الكتب).

أنصحك : مشاهدة الفيديو  "ما لم تسمعه عن دبلومة الـ ifrs أ/ عبد الله .

3- هتشاهد فيديو الشرح الأول  وبعد كدا تقرا من الكتاب هتذاكر منها و تحاول تعمل ملخص خاص بيك علشان مراجعة  المعايير و الفصول .
4- حل كل الاسئلة بعد كل جزئية و كمان الاسئلة المتوفرة فى كتاب كيت .
5- تبدأ المراجعة بقراءة المخلصات و تحل تاني اسئلة كتاب الكيت و اسئلة امتحانات السنوات السابقة علي الكمبيوتر (لرفع كفائتك فى الحل علي الكمبيوتر ) و تتدرب علي النماذج علي موقع المعهد acca . و هكذا ....
و فى النهاية المراجعة المستمرة و التدريب علي الحل كأنك فى الأمتحان هما مفتاح النجاح لاي شهادة مهنية ... سائلاً المولى عز وجل التوفيق و السداد .

المصدر : أ/محمد سمير 

تعديل المقال