استخدام معادلات Excel لحل التحديات اليومية: 5 حالات عملية لتطبيق المعادلات

أهلا بيك فى السلسلة الجديدة من تدوينات الأكسيل , معادلة على الماشي فى الاكسيل , أن شاء الله الموضوعات ده هتبقى عبارة عن تطبيق معادلات الاكسيل على حالات بتقابلنا فى الشغل و هتبقى مختصرة جداً , مجرد صورة لمعادلات و دوال الاكسيل المختلفة مش زي التدوينات السابقة و التى كانت تضم مجموعة من الدوال المرتبطة بشئ معينة (مثال : دوال الجمع فى الأكسيل) . عشان مطولش فى الكلام , كل موضوع هيبقى فى تقريباً 5 معادلات أو صور زي ما قولنا و لو عندك مشكلة او حاجة مش عارف تطبقها أزاي بالاكسيل تقدر تشاركها معنا من خلال التعليق على هذا الموضوع و نحاول نساعد بعض أن شاء الله .... يلا بينا

5 معادلات على الماشي X الأكسيل

  1. الحالة الأولى :الجمع باستخلاص الأسم.
  2. الحالة الثانية : الاستعلام عن آخر قيمة.
  3. الحالة الثالثة : أيام العمل بين تاريخين.
  4. الحالة الرابعة : اظهار تابات الشيت.
  5. الحالة الخامسة : كتابة رقم الجوال فى الاكسيل.

الجمع بتفصيل الأسماء في Excel: الجمع باستخلاص الأسم

معانا جدول فى بيانات عبارة عن عمودين أحدهما خاص بالمناديب "لا يحتوي عمود منفصل يفصل نوع القطاع الذي يعمل به المندوب سواء تجزئة او جملة"و العمود الثاني يضم قيم الفواتير , و المطلوب هو جمع كل المبيعات التي تم فى قطاع الجملة , او تجميع مبيعات ولاد الوكيل اللى هم مصطفى و أبراهيم ^_^  (يعني من الاخر عايز اي كلمة فى العمود احددها يجمع الاكسيل قيمة مبيعاتها) .

الجمع بأستخلاص الأسم

و كانت النتيجة أني استخدمت دالة SUMIF , مع الأخذ فى الاعتبار أني محتاج جزء من النص اللى فى عمود المناديب بستخدم &F3& و طبقت ده بمعادلتين اللى فى الصورة تقدر تختار اللي يناسبك و تقدر تحمل شيت الشيت من أخر التدوينة ده ...

البحث عن آخر قيمة: استرجاع القيمة الأخيرة في Excel 

توفر لدينا جدول يحمل مجموعة مدخلات و المطلوب الاستعلام عن آخر قيمة لأحد العناصر (يمكن الاستعلام على آخر فاتورة لعميل معين أو رصيده أو ..) هنطبق الحالة علي نفس الجدول السابق , و ذلك بـ أستخرج آخر فاتورة لأي من المناديب و هسنخدم ف الحل معادلتين و هما LOOKUP , SEARCH كما فى الصورة 

الأستعلام عن آخر قيمة

حساب عدد أيام العمل بين تاريخين باستخدام Excel 

لو فرضنا انه فى إجراء يتم اتخاذه من تاريخ معين و يكون هناك فترة سماح تقدر بعدد أيام عمل , مثلاً الطعن على أحد النماذج الضريبية يكون 30 يوم من تاريخ الاستلام و لو فرضنا استثناء أيام العطلات الاسبوعية لمصلحة الضرائب المصرية (الجمعة و السبت) و كذلك العطلات الرسمية , هتكون النتيجة على النحو التالي باستخدام دالة WORKDAY.INTL .

أيام العمل بين تاريخين

اظهار تابات الشيت 

هنتعرف فى هذة الحالة أزاي تظهر أو تخفي صفحات الشيت (sheet tabs) فى ملف الأكسيل , فى أغلب الأحيان كل فترة فى حد بيسألني لما يحمل شيتات من المدونة أني صفحات الشيت مش بتظهر فى الأسفل كما هو الحال , علشان تظهر التابات او تخفيها هيبقى من خلال الضغط على file من القائمة العلوية و بعدها هختار options و منها Advanced هيفتحلك قائمة منبثقة هتنزل شوية هتلاقي Display option for this work book , و هتعلم صح على show sheet tabs , و لو عايز تخفيها هتشيل علامة صح ..

أظهار تابات الشيت

إضافة أرقام الهواتف في Excel: طريقة لتنسيق البيانات بشكل فعال 

وفقاً للرياضيات فى كتابة الصفر على اليسار ليس له قيمة و بالتالي الاكسيل يتجاهل الصفر الموجود على يسار رقم التليفون (01011012015) و يقوم بحذفه , و لإظهار الرقم كامل فى الاكسيل هناك طريقتين .

  1. الطريقة الأولى : تعديل format cells الخلايا حتى تستوعب و تتعامل مع الرقم على أنه نص و ذلك من خلال أحد السبل الموجود بالصورة أما من أعتبار الخلايا text أو من خلال الخلايا من custom أدخل فى قائمة type _ عشرة أصفار كما بالصورة.
  2. الطريقة الثانية :  هي إضافة علامة (') قبل الرقم بالخلية كما بالصورة و لا تظهر هذه العلامة فى الشيت كما هو الحال .

كتابة رقم الجوال فى الاكسيل
تعليقات



حجم الخط
+
16
-
تباعد السطور
+
2
-